Si do të jetë moti këtë fundjavë?! – SHMU: Diell, vranësira dhe reshje shiu në të gjithë vendin
Shërbimi Meteorologjik Ushtarak njofton se këtë të premte vendi ynë parashikohet të ketë mot fillimisht me kthjellime dhe alternime vranësirash kalimtare, deri në orët e mesditës ndërsa më pas gradualisht me kalimin e orëve do të ketë shtim vranësirash mesatare deri të dendura në të gjithë territorin.
Sipas njoftimit vranësirat do të shoqërohen me reshje shiu të dobëta fillimisht në zonën e jugut në orët e pasdites dhe më pas do të shtrihen edhe në pjesën tjetër të territorit në orët e mbrëmjes ndërsa era do të fryjë me drejtim verilindje – veriperëndim e lehtë dhe mesatare në bregdet, shoqëruar me dallgëzim në det të forcës 2-3 ballë.
SHMU bën me dije se temperaturat parashikohen në:
- zonat malore -1°C deri në 14°C
- zonat e ulëta 2°C deri në 20°C
- zonat bregdetare 5°C deri në 20°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.