Si do të jetë moti këtë fundjavë?! – SHMU: Përkeqësim gradual i kushteve atmosferike
Shërbimi Meteorologjik Ushtarak njofton se për ditën e shtunë pritet një përkeqësim i kushteve atmosferike dhe moti parashikohet kryesisht i vranët, por nuk do të mungojnë dhe intervalet e shkurtra me diell në zonat e ulta dhe në bregdet.
Sipas njoftimit përgjatë gjithë ditës do të ketë prezencë të reshjeve të shiut por intensiteti më i lartë i tyre pritet të jetë në orët e pasdites dhe mbrëmjes ndërsa në zonat malore veriore dhe verilindore do të ketë edhe reshje në formën e dëborës, gjithashtu në fushën termike temperaturat do të pësojnë rritje në vlerat minimale e rënie në vlerat e mesditës.
SHMU bën me dije se për ditën e diel vendi ynë do të mbetet nën ndikimin e kushteve atmosferike të paqëndrueshme ndërsa moti parashikohet me vranësira të dendura dhe reshje shiu me intensitet mesatar deri në orët e mëngjesit.
Sipas informacionit të publikuar gradualisht reshjet do të humbasin intensitet dhe terren duke mbetur të pranishme përgjatë relieveve malore ndërsa në zonat bregdetare dhe ultësirën perëndimore nuk do të mungojnë edhe orët me diell dhe në fushën termike temperaturat pa ndryshime të ndjeshme në vlerat minimale dhe rritje të lehtë në vlerat e mesditës.
Era nga veriperëndimi me shpejtësi mesatare 1-10m/sek, shoqëruar me një valëzim të forcës 2-3 ballë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.