Si do të jetë moti këtë fundjavë?! – SHMU publikon parashikimin për dy ditët në vazhdim

Shërbimi Meteorologjik Ushtarak njofton se për fundjavën që presim përpara vendi ynë do të vijojë të jetë nën ndikimin e kushteve të qëndrueshme atmosferike.

Sipas njoftimit për të dyja ditët (e Shtunë dhe e Diel) moti parashikohet i kthjellët dhe plot diell si dhe temperatura të përshtatshme për aktivitete jashtë shtëpisë.

SHMU bën me dije se era do të fryjë me drejtim verilindje – juglindje e lehtë dhe shpejtësi mesatare 1-5m/s ndërsa hera-herës përgjatë vijës bregdetare deri në 8m/s.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.