Si do të jetë moti këtë fundjavë?! – SHMU: Ulje temperaturash, shtrëngata dhe shkarkesa elektrike
Shërbimi Meteorologjik ushtarak ka publikuar parashikimin e motit për këtë fundjavë sipas së cilit dita e Shtunë do të nisë me mot të vranët në të gjithë territorin dhe deri në orët e mesditës reshje shiu të herëpashershme në formë pikash.
SHMU njofton se reshjet do të fitojnë intensitet deri mesatar në të gjithë vendin në formën e shtrëngatave dhe stuhive dhe më kalimin e orëve do të ulen temperatura në orët e pasdites vonë ndërsa reshjet do të jenë në lartësitë mbi 300 metër në relievet malore dhe mbi 600 metër në ato kodrinore të cilat do të shndërrohen në reshje dëbore, në relievet malore reshje të dendura dëbore edhe në formën e stuhive të dëborës.
Sipas njoftimit e njëjta situatë do të jetë edhe ditën e Diel pasi moti parashikohet me vranësira të dendura shoqëruar me reshjet e shiut dhe dëborës ndërsa përgjatë vijës bregdetare dhe zonat e ulëta do të ketë reshje shiu me intensitet mesatar dhe duke filluar nga orët e pasdites deri të lartë në formën e shtrëngatave shoqëruar me shkarkesa elektrike.
Në relievet malore do të vijojnë reshjet e dëborës dhe duke nisur nga orët e pasdites ato bëhen me intensitet të lartë ndërsa në orët e vona të mbrëmjes në zonën e veriut reshjet e dëborës zbresin deri në nivel deti dhe në zonën e qendrës dhe veriut në nivele kodrinore 400-500 metër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.