Si e bëri pasurinë duke shitur ujë, njeriu më i pasur i Kinës. Punoi si gazetar dhe u frymëzua nga intervistat me 500 biznesmenët
Zhong Shanshan, shefi i ‘Nongfu Spring” dhe pronari i ‘Beijing Wantai Biological Pharmacy Enterprise’ aktualisht mban titullin si njëriu më i pasur në Kinë. 66 vjeçari ka një pasuri që vlerësohet 68.5 miliardë dollarë dhe për pak kohë ka qenë edhe njeriu më i pasur i Azisë, duke ‘mundur’ Mukesh Ambanin e Indisë.
Ndërsa shumë mund të mendojnë se njeriu më i pasur i Kinës i ka bërë paratë nga biznesi në Teknologjinë e Informacionit, në fakt Zhong e ka bërë pasurinë e tij nga kompanitë e shisheve të ujit dhe farmaceutike.
Si ja ka dalë?
Zhong ka lindur në Hangzhou në vitin 1954 she iu desh që të linte shkollën gjatë Revolucionit Kulturor të vioteve 1966-76 për shkak të varfërisë së familjes së tij. Ai përfundoi duke punuar si punëtor krahu në ndërtim që të ndihmonte familjen e tij.
Në 1977, Zhong u fut në kolegj dhe pasi dështoi herën e parë ai nisi punë dhe arriti që ta marrë diplomën e tij, paralelisht me sigurimin e të ardhurave nga puna.
Nga viti 1984, ai punoi si reporter te ‘Zhejiang Daily’ ku intervistoi më shumëse 500 biznesmenë të bërë vetë. Duke shkruar për sipërmarrjet ai u frymëzua deri në atë masë sa nisi biznesin e tij.
Në 1988, Zhong shkoi në ishullin ‘Hainan’ dhe nisi një biznes rritje kërpudhash e ndërkohë që punonte me pagë për një kompani të njohur pijesh, para se të themelonte kompaninë e tij në këtë sektor. Në vitin 1996 ai themeloi ‘Nongfu Spring’.
Në 1999 ai bëri një lëvizje të re, duke shitur ujë natyral pa ia hequr mineralet. Tradicionalisht në Kinë uji që shitej në shishe ishte i distiluar. Ndërsa Zhong mbrojti tezën se uji natyral kishte më shumë të mira për shëndetin.
Pavarësisht kësaj, ai është kritikuar vazhdimisht për cilësinë e ujit që tregtonte kompania e tij. Megjithatë, aksionet e kompanisë së tij të ujit u rritën ndjeshëm në vitet e fundit duke u bërë një markë popullore e duke njohur një rritje të ndjeshme të aksioneve të saj në bursë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.