Si e kanë mbyllur javën valutat e huaja?! – Dollari humbet ‘shkëlqimin’ ndërsa Euro nuk luhatet

Monedha europiane e ka mbyllur javën në vlera konstante duke mos pësuar lëvizje të kuotës në raport me dje teksa blihet sot me 121.4 lekë dhe shitet me 122.1 lekë, sipas kursit të këmbimit lokal.

Dollari amerikan ka humbur sërish pikë këtë të premte teksa e ka mbyllur kështu javën negativisht pas rritje së vazhdueshme që regjistroi për ditë radhazi duke u blerë sot me 103.1 lekë dhe duke u shitur me 104 lekë.

Paundi britanik gjithashtu ka pësuar rënie të ndjeshme krahasuar me ditën e enjte pasi është blerë mëngjesin e sotëm me 140.8 lekë dhe është shitur me 142 lekë.

Referuar tregut të brendshëm valutor Franga zvicerane nuk bën përjashtim duke e mbyllur edhe ajo javën negativisht teksa është blerë sot me 112.1 lekë dhe është shitur me 113.1 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.