Si Kina po ‘mban gjallë’ Hollywood-in! Për herë të parë në histori ia kalon SHBA-së për fitimet nga biletat

Teksa rënia e shitjeve të biletave për filma në Hollywood ka pësuar ulje– falë piraterisë dhe shërbimeve streaming si Netflix apo Hulu – Kina nga krahu tjetër me “oreksin” e saj në rritje për filmat është duke e ndihmuar shumë industrinë.

Ekspertët parashikojnë se në vitin 2020, Kina do të jetë tregu më i madh për kinemanë, me fitimet nga shitjet e biletave që pritet të shkojnë nga 9.9 bilion në 2018-ën në 15.5 bilion dollarë në 2023.

Në tre-mujorin e parë të 2018-ës, Kina parakaloi SHBA-në për xhiron totale nga të ardhurat e shitjes së biletave për herë të parë.

“Tashmë duhet pasur mjaft kujdes kur xhiron një film – duke ditur se sa i madh është tregu kinez – për të qenë të sigurtë se duhet të ketë apel edhe në Kinë” – një profesor i shkencave politike në Universitetin e Kalifornisë së Jugut është shprehur për ‘CNBC’.

Hollywood është duke e mbajtur vazhdimisht në vëmendje tregun kinez gjatë prodhimeve të saj. Më shumë se 1/3 e filmave me shitjet më të larta të biletave në kinematë kineze janë të prodhuara në SHBA.

Por, Kina tashmë kërkon që filmat e prodhuara prej saj, të gjenerojnë të ardhura të tilla – për arsye financiare dhe si një çështje e krenarisë kombëtare.

Në 2018-ën, ‘Dalian Wanda Group’, e cila bleu rrjetin ikonik të kinemave në Amerikë ‘AMC’ në 2012, hapi studion më të madhe të filmave në botë, e cila ishte si kundërpërgjigje e Kinës për Hollywood-in.

Por, këto investime duhet ende të rikthejnë shpenzimet, pasi produksionet kineze po hasin vështirësi në konkurencën me ato të Hollywood-it.

Fitimet në shumicën e studiove të mëdha filmike kineze ranë në 2018, sipas Financial Times.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.