Si ndahet kredia 80 mln euro për ujësjellësit/ 68 mln do shkojnë për investime në furnizimin me ujë. Ja bashkitë përfituese

68 mln euro , si pjesë e kredisë prej 80 mln euro që qeveria shqiptare do të marrë për investimet në ujësjellës-kanalizime do të shkojnë drejtpërdrejt për furnizimin me ujë të qyteteve, ndërsa pjesa tjetër për kanalizime.

Detajet u dhanë gjatë diskutimit të marrëveshjes së kredisë mes qeverisë shqiptare dhe KFW, nga nëndrejtori i Agjencisë Kombëtare të Ujësjellës Kanalizimeve.

Përmes këtyre investimeve synohet  përmirësimin e sistemit të furnizimit me ujë dhe kanalizimeve, si dhe përmirësimin e performancës së shoqërive të ujësjellës-kanalizimeve të bashkive të përfshira në program.

Sipas Strategjisë Kombëtare të Sektorit të Furnizimit me Ujë dhe Kanalizime 2020-2030, qeveria planifikon që furnizimi 24 orë me ujë në të gjithë vendin të arrihet në vitin 2029, ndërsa financimi total që kërkohet për të arritur këtë objektiv përllogaritet në 1.5 mld euro.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.