Si një grua franceze ka 3 vjet që përpiqet të bindë autoritetet se është e gjallë?

Në realitet, Jeanne Pouchain shfaqet shumë e gjallë. Bindja e autoriteteve franceze për këtë fakt, ka provuar ama të jetë e vështirë.

Pasi u shpall e vdekur nga një gjykatë, Pouchain ka kaluar tre vjet duke u përpjekur që “të ringjallet” zyrtarisht.

58-vjeçarja nga Saint-Joseph, afër Lyon, nuk ka ekzistuar në sytë e administratës së Francës që nga viti 2017, pas një mosmarrëveshje ligjore që përfshiu një ish-punonjës në kompaninë e saj të pastrimit.

Avokati i saj, Sylvain Cormier, u habit me vdekjen e saj tepër të ekzagjeruar. “Është një histori e çmendur. Nuk mund ta besoja. Kurrë nuk kam menduar që një gjykatës do të shpallte dikë të vdekur pa certifikatë. Por paditësi pretendoi se zonja Pouchain kishte vdekur, pa dhënë ndonjë provë dhe të gjithë e besuan atë. Askush nuk e kontrolloi, ”tha ai për AFP.

Një gjykatë e vitit 2004 kishte urdhëruar Pouchain të paguante ish-anëtarin e stafit rreth 14,000 € dëmshpërblim për një dëm që kishte ndodhur gjatë punës. Meqenëse çështja ishte kundër kompanisë së saj dhe jo personalisht Pouchain, vendimi nuk u zbatua kurrë. Në vitin 2009, punonjësi paditi përsëri, por çështja u hodh jashtë gjykatës.

Në vitin 2016, duke e besuar Pouchain të vdekur, një gjykatë apeli urdhëroi djalin dhe burrin e saj të paguanin dëmet. Vitin pasues, punonjësi informoi gjykatën se letrat për ish shefin e saj ishin pa përgjigje dhe ajo kishte vdekur.

Kështu, Pouchain u hoq nga të dhënat zyrtare, duke u hequr nga karta e identitetit, leja e drejtimit, llogaria bankare, sigurimi shëndetësor dhe dokumente të tjera zyrtare të nevojshme që provonin –të paktën zyrtarisht- ekzistencën e saj.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.