Si parashikohet moti për këtë javë?! – SHMU informon mbi situatën në të gjithë vendin
Shërbimi Meteorologjik Ushtarak njofton se kjo javë do të mbetet nën ndikimin e masave ajrore të qëndrueshme pasi moti i kthjellët do të mbizotëroj në pjesën më të madhe të territorit dhe vranësirat parashikohet të jenë të pakta kalimtare, ndërsa ditën e premte vranësirat hera-herës deri të dendura.
Sipas njoftimit sa i përket fushës termike duke filluar nga sot deri të mërkurën pritet të kemi një rritje graduale të temperaturave kryesisht në vlerat maksimale ndërsa dita e enjte dhe e premte parashikohet të kenë ulje të temperaturave, më e ndjeshme në vlerat e mesditës.
SHMU bën me dije era parashikohet të jetë nga veriperëndimi-jugperëndimi me shpejtësi mesatare 1-8m/sek, shoqëruar me një valëzim në det të forcës 1-2 ballë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.