Si po e ndihmon Gates botën për të përballuar këtë pandemi? Miliona dollarë për vaksinën dhe përpjekjet për inovacion

Në mars, Gates njoftoi në një postim në LinkedIn se ai do të tërhiqej nga bordet e Microsoft dhe Berkshire Hathaway për të kaluar më shumë kohë për të mbikëqyrur ndërmarrjet filantropike, me një përqendrim të vazhdueshëm në shëndetin global dhe zhvillimin.

Për vite me radhë, Gates ka folur gjerësisht për natyrën potenciale katastrofike të një pandemie. Në një TED Talk për 2015, Gates tha se bota ishte e papërgatitur për epideminë e radhës.

Gates e quajti koronavirusin një “patogjen që vjen një herë në shekull” në një artikull të botuar për New England Journal of Medicine. Ai gjithashtu përshkroi hapat që bota mund të ndërmarrë për të përmbajtur përhapjen e virusit, përfshirë zhvillimin e shpejtë dhe shpërndarjen e vaksinave. Gates sugjeroi gjithashtu një bazë të dhënash ndërkombëtare që vendet mund të përdorin për të shkëmbyer informacione.

Në fillim të shkurtit, fondacioni Bill dhe Melinda Gates u zotua të dhurojë 100 milion dollarë për të luftuar shpërthimin, përfshirë fondet për reaguesit e vijës së përparme, përpjekjet për parandalim dhe trajtimin. Një copë e madhe parash është e rezervuar për zhvillimin e vaksinave.

Në mars, Fondacioni Gates iu bashkua Wellcome dhe Mastercard, duke premtuar deri në $ 125 milion drejt një përshpejtuesi terapeutik COVID-19 për të shpejtuar përgjigjen duke përmirësuar trajtimin. Fondacioni vendosi deri në 50 milion dollarë drejt kësaj ndërmarrje. Gates dhe fondacioni i tij është gjithashtu thelbësor në çështjet e logjistikës, kërkimit shkencor dhe zbulimit të inovacionit. Fondacioni Gates ka financuar gjithashtu 7 fabrika të ndryshme për krijimin dhe fabrikimin e vaksinave, ku pritet që vetëm njëra prej tyre të jetë funksionale. Megjithatë, për të mos harxhuar kohë, fondacioni i ka sponsorizuar të 7-a.

Fondacioni Gates gjithashtu financoi një projekt për të zhvilluar zbulimin e koronavirusit në shtëpi për njerëzit në zonën e Seattle.

Sa i përket mënyrës se si Gates dhe gruaja e tij, Melinda, po e përballojnë personalisht këtë pandemi, Melinda ndau në një postim në Instagram se po punojnë nga distanca dhe po shijojnë “bukurinë natyrore të veri-perëndimit të Paqësorit”, ndërsa ndiqnin udhëzimet për distancimin shoqëror.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.