Si po ndryshon marrëdhënia e shqiptarëve me kartat bankare: Shtohet debiti, pakësohet krediti. Rriten MasterCard e Visa, tkurret American Express!
Në Shqipëri, këtë vit ka në përdorim më shumë se 1 milionë e 332 mijë karta bankare. Në krahasim me vitin e kaluar, deri më tani, numri i kartave është rritur me më shumë se 12 mijë të tilla.
Po për çfarë përdoren më së shumti këto karta bankare?
Të gjitha kartat në qarkullim janë karta me funksion cash-i. Pjesa më e madhe e tyre, rreth 1 milionë e 149 mijë janë karta debiti dhe rreth 110 mijë janë karta krediti.
Nëse krahasojmë shifrat me vitin e kaluar, ndryshe nga kartat e debitit që janë shtuar, kartat e krediti këtë vit janë pakësuar me 1 mijë e 306 të tilla.
Sa i përket llojit të kartave, rezulton se këtë vit në Shqipëri janë 7 mijë e 701 karta VISA më shumë sesa vitin e kaluar.
Kartat e llojit Mastercard kanë njohur rritjen më të madhe, me 13 mijë e 901 më shumë se vitin e kaluar. Rënie të madhe këtë vit kanë pasur kartat American Express, ku numërohen rreth 9 mijë karta më pak se vitin e kaluar.
Referuar të dhënave të publikuara nga Banka e Shqipërisë, në raportin vjetor të vitit 2021 rezulton se rreth 69% e popullsisë në moshë madhore zotëron një llogari pagese.
Numri i kartave sipas funksionit
- Karta me funksion cash-i- 1 milion e 332 mijë e 230- 12 mijë e 595 më shumë
- Karta debiti 1 milion e 149 mijë e 914- 13 mijë e 417 më shumë
- Karta krediti 110 mijë e 615-1 mijë e 306 më pak
Burimi: BSH
Numri i kartave sipas llojit
- Karta Visa 675 mijë e 575- 7 mijë e 701 më shumë
- Karta Master Card 652 mijë e 140- 13 mijë e 901 më shumë
- Karta American Express 4 mijë e 334- 9 mijë më pak
Burimi: BSH
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.