Si të bëni foto shumë të mira të ushqimeve që do të konsumoni këtë verë

Për të bërë foto shumë të mira e mbresëlënëse për ndjekësit tuaj në Instagram e Facebook, nuk keni nevojë për ndonjë aparat fotografik të shtrenjtë. Gjithçka duhet janë disa këshilla dhe pak praktikë.

Këshila nr. 1 – Evitoni të bëni foto në errësirët, drita e diellit është ideale

Nuk presim që të ndryshoni të gjitha oraret e vakteve dhe të ushqeheni vetëm gjatë ditë, por në përgjithësi është shumë e vështirë të bësh foto të bukura në vende në errësirë. Një qiri apo blici i aparatit celular nuk do të mund të tregojë se si duket në realitet restoranti apo pjata juaj.

Nëse duhet se s’bën të bëni foto natën, miqtë mund t’ju ndihmojë duke ndezur dritat e celularit e duke ndriçuar pjatën tuaj.

Këshila nr. 2 – Provoni disa kënde para se të ndani foton më të mirë

Mos hamendësoni se fotoja e parë e pjatës do të jetë më e mira. As mos kini turp të kaloni pak kohë duke u përpjekur të gjeni se cili është këndi më i mirë për të njëjtën pjatë. Ndonjëherë një pjatë duket mirë nga alrt. Ndonjëherë duhet ta fotografoni nga anët për të treguar shtresat e tortës.

Këshila nr. 3 – Bëni një hap pas ose largoheni pak për të kapur më tepër

Pamja e një pjate mund të duket mirë në realitet, por është e vështirë ta tregoni këtë me foto. Duke u afruar shumë me kamera rrezikoni të humbisni një shans për të treguar detaje të tjera të bukura dhe një tavolinë festive të mbushur me pjata. Në këtë mënyrë hapësira dhe atmosfera e restorantit do të dalin më në pah

Këshila nr. 4 – Bëni foto horizontale

Me celular është shumë e lehtë të bësh foto vertikalisht, por kjo nuk është gjithmonë mënyra më e mirë. Kthejeni telefonin kur të shkrepni një foto të vendit, pasi do të duket më bukur dhe do t’ju duhet të prisni më pak nga fotoja kur ta hidhni në instagram.

Këshila nr. 5 – Hani një kafshatë, lini disa thërrime – I shton personalitet

Mos kini frikë të luani me ushqimin tuaj! Bëjini një foto sapo të vijë në tavolinë, por bëni edhe një tjetër pasi keni ngrënë pak. Disa ushqime duken më mirë pasi keni bërë një kafshatë, të keni prerë një copë, apo ta keni lënë të kullojë. Kjo e lejon edhe shikuesin të imagjinojë shijes e pjatës.

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.