Si të fitoni para në prag të Vitit të Ri?
Sa herë që kujtojmë festat përveç atmosferës dhe kohës së bukur që ato sjellin kemi në mendje edhe shpenzimet. Sepse le ta pranojmë, festat e fund vitit vijnë me shumë shpenzime.
Por, po sikur në vend të shpenzimeve të arrinim të fitonim para në këtë kohë? Nëse jeni ndër individët të cilët nuk e festojnë aq shumë ndërrimin e viteve atëherë ndoshta këto ide për të bërë para mund t’ju hyjnë në punë. Megjithatë, jo gjithçka në këtë listë ju kërkon të hiqni dorë nga planet tuaja – ju mund të merrni disa para shtesë dhe përsëri të keni mjaft kohë për të festuar.
Ja disa ide si për fillim:
1.Gatuani dhe dërgoni porosi
Shumë njerëz duan të kenë një darkë të bukur në mbrëmjen e fundit të vitit. Nëse keni aftësi në gatim, ju mund të reklamoni shërbimet tuaja si një furnizues ose si një kuzhinier në shtëpi. Gjithashtu mund të shikoni për një punë të përkohshme duke punuar si një furnizues ushqimesh ose për të ndihmuar në kuzhinë natën e ndërrimit të viteve pasi shumë restorante kërkojnë të punësojnë për të arritur të përballojnë fluksin e tepërt.
2.Kamerier/Banakier
Mbrëmja e Vitit të Ri zakonisht mendohet si nata më e dehur e vitit, kryesisht për shkak se përqendrimi i njerëzve për festa është më i lartë në këtë natë sesa në një mbrëmje tipike. Kjo do të thotë se çdo bar do të jetë jashtëzakonisht i zënë dhe ata mund të kërkojnë ndihmë shtesë.
Nëse dini të bëni kokteile, mund të bëni shumë para si barist në prag të Vitit të Ri. Mënyra më e mirë për këtë lloj pozicioni është të shkoni dhe të vizitoni institucionin personalisht dhe të flisni me dikë që bën vendimet e punësimit.
3.Performoni
Nëse jeni këngëtar, muzikant ose argëtues, mund të gjeni të gjitha llojet e mundësive për të punuar në prag të Vitit të Ri. Si të jetë një ngjarje e madhe (si një festë ose një parti në bllok) ose një grup më i vogël i miqve dhe familjeve, festa e Vitit të Ri mund të jenë një minierë ari për ju.
4.Kujdestar/e
Nëse jeni duke u kujdesur për shtëpinë e dikujt, fëmijët, apo kafshët shtëpiake, ju mund të merrni disa para shtesë si një kujdestar. Shumë njerëz duan të “jetojnë natën kumbuese” në vitin e ri, dhe kjo do të thotë të largohen për shumë orë. Plotësoni boshllëqet duke shëtitur qentë dhe duke u kujdesur për fëmijët. Plus duke qenë se konsiderohet një festë, mund të jeni në gjendje të kërkoni një shkallë më të lartë pagese se zakonisht.
5.Pastroni
Me të gjitha festat dhe mbrëmjet që po ndodhin, njerëzit do të duan që shtëpitë e tyre të pastrohen. Ju mund të reklamoni shërbimet e pastrimit në internet ose rreth zonës tuaj me fletëpalosje apo media sociale.
6.Jepini shtëpinë tuaj me qira.
Nëse do të jeni jashtë qytetit për festat, mund të konsideroni të jepni banesën tuaj me qira. Është një mënyrë e mirë për të fituar disa para shtesë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.