Si të mbroni biznesin tuaj nga sulmet kibernetike?
Interneti është përgjegjës për trilionë dollarë në shitje vjetore, dhe një studim nga Statista zbulon se në vitin 2016, 1.61 miliardë njerëz në të gjithë botën porosisin gjëra nga interneti.
Këto të dhëna tregojnë se tregu ka ndryshuar. Çdo biznes synon të prodhojë artikuj ose shërbime për përfitime maksimale.
Mirëpo, nuk është e mjaftueshme të prodhoni artikuj ose shërbime, ju keni nevojë për një treg të përbërë nga konsumatorët dhe klientët besnikë.
Klientët dhe konsumatorët po kalojnë në botën digjitale, dhe metodat e shitjeve po ndryshojnë.
Kjo shpjegon se pse miliona biznese po shfrytëzojnë shitjen online. Mirëpo çështja nuk është lançimi i biznesit tuaj online, ka të bëjë me mbrojtjen e tij kundër sulmeve kibernetike, hakerave dhe konkurrentëve të paskrupull. Këtu janë disa mënyra se si mund të mbroni biznesin tuaj online.
Përdorni anti-virus
Programi anti-virus është shumë i lehtë për qasje dhe përdorim, dhe mund të parandalojë programet kompjuterike të dizenjuara për të depërtuar dhe dëmtuar kompjuterët pa miratimin e përdoruesit.
Hakerët përdorin viruset në shumicën e të dhënave. Këto mund të bëhen përmes emaileve të dyshimta, mesazheve të bllokuara dhe informacioneve të cilat ju kërkojnë të klikoni në to.
Sapo depërtimi të bëhet, virusi mund të marrë informacione hyrëse, të infektojë kompjuterin tuaj dhe ta mbyllë atë, duke ndaluar qasjen ndaj sistemit tuaj kompjuterik.
Mirëpo, këto mund të shmangen duke instaluar programet e duhura të mbrojtjes për të mbrojtur biznesin tuaj nga çdo lloj forme sulmi. Kujtohuni të përditësoni rregullisht anti-virusin, për shkak se viruset mund të depërtojnë në programe të pa përditësuara.
Përdorni rrjetin privat virtual (VPN)
VPN krijon një lidhje të sigurt përmes një rrjeti më pak të sigurt, si interneti. Përfitimi i përdorimit të një VPN të sigurt është se siguron nivelin e duhur të sigurisë të sistemeve të lidhura kur infrastruktura e rrjetit themelor nuk mund ta ofrojë atë.
Aq gjatë sa përdorni internetin, ju duhet të paguani për privatësi sepse nuk e dini asnjëherë se kush po e monitoron biznesin tuaj. Kushtoni vëmendje të veçantë sigurisë, veçanërisht kur nuk i besoni plotësisht ofruesit tuaj lokal të rrjetit. Përdorimi i VPN mund t’ju ndihmojë të parandaloni sulmet kibernetike nga hakerat.
Informoni punonjësit tuaj rreth sulmeve kibernetike
Një gabim nga një punonjës mund të shkatërrojë një organizatë të tërë. Hakerat rregullisht kërkojnë vende ku mund të vjedhin fjalëkalime, llogari të tjera, si dhe të dhëna të ndjeshme. Sapo të kenë këto informacione, biznesi juaj është nën mëshirën e tyre.
Informoni stafin tuaj dhe trajnoni ata se si të trajtojnë informacionet konfidenciale, të dërgojnë emaile në mënyrë të sigurt dhe të ndërmarrin praktikat më të mirë të sigurisë. Nëse punonjësit nuk e kuptojnë se si kriminelët punojnë dhe se si mund të shënjestrohen, ata nuk mund të jenë të kujdesshëm ndaj tyre.
Konsultohuni me një firmë sigurie online
Në Maj, një sulm global kibernetik i cili preku universitetet, spitalet dhe bizneset rreth botës tregoi se organizatat gjithmonë duhet të jenë të kujdesshme. Nëse nuk e shihni të nevojshme të këshilloheni me një firmë për sigurisë online të biznesin tuaj, ju mund të humbisni të dhëna të ndjeshme, të paguani për lirim apo të humbisni kohë të vlefshme duke provuar të rregulloni dëmet nga sulmi. Firma e sigurisë online e biznesit merr përgjegjësi të plotë për sigurinë e biznesit online. Kjo i jep mundësi firmës të fokusohet në biznes pa pasur nevojë të brengoset për çështje sigurie.
Burimi: Entrepreneur
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.