Si të merrni një rritje page, pa e kërkuar një të tillë?
Të gjithë duan të ecin përpara. Edhe pse mund t’ju duket se gjithçka po e bëni në mënyrë të përsosur, nuk jeni kurrë vonë për punë madje, apo nuk merrni kurrë leje, mos u habisni me faktin, se për tu ngritur në detyrë, nuk mjaftojnë vetëm këto gjëra. Ju po bëni çfarë mundeni, por pse nuk po shpërbleheni?
Përgjigja është e thjeshtë, ju nuk ngriheni në detyrë vetëm se përmbushni pritshmëritë e shefit tuaj. Marifeti për të avancuar në karrierën tuaj e për tu paguar më shumë është të ngrini vlerën tuaj duke kontribuar në mënyra të ndryshme.
- Përpara se të zhvilloni aftësitë që ju duhen në punën tuaj, mësoni më shumë rreth kompanisë, konkurrentëve, zhvillimeve të fundit si dhe sfidave.
Zhvillimi nga ana profesionale është i rëndësishëm, por pse të ndaloni aty? Nëse doni vërtetë ti bëni përshtypje shefit tuaj, mësoni çfarë të mundeni rreth kompanisë apo biznesit. Psh, nëse jeni IT në vend që të mësoni praktikat më të mira, përpiquni që ato praktika që dini ti përshtatni me kompaninë ku punoni.
- Në vend që të kërkoni të trajnoheni, bëjeni vetë
Nëse doni të mësoni më shumë mund të pyesni të tjerët që dinë më shumë rreth asaj çka doni të mësoni, por nëse doni të tërhiqni vëmendjen e shefit tuaj, e mira do të ishte të mësonit gjithçka vetë. Në këtë mënyrë kur shefi nuk e pret mund të tregoni se edhe ju dini ti bëni këto gjëra.
- Ndërtoni marrëdhënie të mira me departamentet e tjera
Të keni marrëdhënie të mira me departamentet e tjera është gjë shumë e mirë. Të jeni të bindur se në një moment apo një tjetër departamentit tuaj do t’u duhet ndihmë nga ndonjë departamente të tjera. Nëse ju nuk shkoni mirë me personelin jashtë departamentit tuaj, jo vetëm nuk do arrini të mbaroni detyrën që ju është caktuar por të jeni të bindur se kjo gjë do ti bjerë në vesh edhe shefit tuaj.
- Mos u përpiqni ti fshihni gabimet, por tregojini vetë
Shumë njerëz përpiqen të fshehin gabimet e tyre nga frika se të tjerët mund të mendojnë se ata nuk janë të aftë, por kjo është e gabuar. Të gjithë jemi njerëzor e bëjmë gabime. Në vend që të përpiqeni të fshihni gabimin tuaj gjeni një mënyrë për ta ndrequr atë, kështu do ti bini në sy shefit tuaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.