Si të mësoni të thoni “JO” në punën tuaj pa u ndjerë fajtorë!
Shumë njerëz e kanë të vështirë të thonë jo dhe shpesh herë pavarësisht hezitimit që mund të kenë brenda tyre ata vazhdojnë të thonë po padashur ta bëjnë një gjë të tillë. Por kjo është diçka shumë e gabuar dhe shpesh krijon probleme të mëdha, sidomos në biznes.
Arsyet pse ju duhet të mësoni të thoni jo në punën tuaj janë nga më të ndryshmet, të tilla si:
1. Ju ndihmon të menaxhoni më mirë kohën tuaj
2. Mbroni interesat tuaja
3. Ju ndihmon të vendosni kufijtë tuaj
Por edhe pse njerëzit i kuptojnë fare mirë të përfitimet e të thënit “Jo” kur duhet, përsëri e kanë shumë të vështirë të thonë JO. Më poshtë do të gjeni disa mënyra si të thoni jo pa u ndjerë keq.
1. Thoni “Jo” tani
Në vend që të thoni po dhe të zhgënjeni më vonë personin me mos përmbushjen e asaj që keni thënë më mirë thoni jo tani. Edhe nëse ka disa raste që njerëzit mund të mërziten me përgjigjen tuaj negative të paktën do të kuptojnë se jeni të drejtpërdrejtë.
2.Jini të drejtpërdrejtë me Jo-në tuaj
Mos thoni ndoshta ose mbase. Në këto momente do të dukeni të paqartë. Shumica e njerëzve vlerësojnë më mirë një “jo” të fortë se sa një ndoshta. Është pikërisht pavendosmëria juaj që mund të shkarkojë energji nga të gjitha palët e përfshira.
3. Mos gënjeni për arsyet se pse po thoni “Jo”
Gënjeshtra për arsyet tuaja për të thënë jo mund t’ju bëjë të ndiheni fajtorë. Ju nuk i detyroheni njerëzve të tjerë dhe ata nuk kanë autoritet mbi jetën tuaj për t’ju treguar se çfarë duhet apo nuk duhet të ketë rëndësi për ju.
4.Jini të sigurt me përgjigjet tuaja
Për t’i bërë të tjerët që të thonë po njerëzit përdorin mënyra nga më të ndryshmet duke filluar nga sharjet e duke përfunduar deri në ngacmime, mos u luhatni nga kjo gjë por vazhdoni me qëndrimin tuaj.
5. Tregohuni të sjellshëm kur të thoni “Po”
Kur thoni jo nuk tregoni se jeni të pasjellshëm. Mësoni të thoni jo me edukatë dhe do të jetë e lehtë për ju të refuzoni pa u ndjerë fajtorë.
V. Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.