Si të përgatisni fëmijët tuaj për punët e së ardhmes?
Me arsimin që pritet të përgatisë fëmijët për punët e së ardhmes që ndryshojnë me shpejtësi, mësimi i udhëhequr nga teknologjia po bëhet normë dhe fëmijët mund të dinë të kodojnë para se të mund të lexojnë dhe shkruajnë.
Si rezultat, shpenzimet globale për teknologjinë arsimore po lulëzojnë. Pritet të dyfishohen në 341 miliardë dollarë midis 2018 dhe 2025, sipas të dhënave nga firma kërkimore HolonIq.
Një raport i Forumit Ekonomik Botëror tregon se 65% e fëmijëve që hyjnë në shkollë fillore në vitin 2017 do të kenë punë që nuk ekzistojnë akoma dhe për të cilat arsimi i sotshëm do të dështojë në përgatitjen e tyre. Ndaj arsimi duhet të përshtatet në përputhje me rrethanat.
Kjo epokë e re e edukimit kërkon gjithashtu një sërë mjetesh të reja. Sidoqoftë, efektiviteti i mjeteve të tilla varet nga fitimi i vëmendjes së një fëmije të vogël. Mjete të reja të tilla, përfshijnë robotë të vegjël shumë ngjyrësh, tableta të thjeshtë por që ndihmojnë në përgatitjen e shkathtësisë mendore të një fëmije e të tjera. Këto mjete janë të shtrenjta, megjithatë pritet që në vitet në vijim ato të bëhen më të aksesueshme për çdo shkollë në botë.
Teknologjia nuk shërben vetëm për të ndihmuar fëmijët, por gjithashtu po krijon një mjedis më të mirë të të mësuarit.
Kompanitë daneze Velux dhe Leapcraft kanë punuar së bashku për të futur sensorë në klasë. Ata zhvilluan Ambinode, një kuti e vogël e bardhë që monitoron zhurmën, temperaturën, grimcat e ajrit dhe nivelet e CO2.
Të dhënat pastaj ushqehen në një aplikacion, në mënyrë që një mësues të mund të monitorojë mjedisin dhe të sigurohet që ai të jetë sa më i rehatshëm dhe më produktiv.
Burimi: CNN https://edition.cnn.com/2019/07/30/business/future-education-technology/index.html
D.B / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.