Si të qëndroni të fokusuar kur punoni nga shtëpia?

Asnjë udhëtim, asnjë rregull për mënyrën se si duhet të visheni. Puna nga shtëpia mund të duket si një ëndërr, për aq kohë sa detyrimet personale nuk ju janë shfaqur përpara.

Detyrimet personale janë të lehta për t’u injoruar kur jeni në zyrë, por në shtëpi është shumë e vështirë të vendosni vijën midis kohës personale dhe asaj profesionale.

Mendojeni kështu, kur ju jeni duke punuar mbi një projekt të caktuar dhe merrni telefonatë nga një miku juaj ju e dini shumë mirë se duhet të vazhdoni punën tuaj por gjithashtu nuk dëshironi të tregoheni të vrazhdë.

Por për t’i dhënë një zgjidhje këtij problemi më poshtë do të gjeni disa këshilla nga ekspertë të kësaj fushe të cilët kanë arritur të gjejnë një balancë të jetës personale dhe punës ndërkohë që kanë punuar nga shtëpia.

1. Përcaktoni disa orare fikse

Fakti që ju po punoni nga shtëpia nuk do të thotë se ju mund të filloni punën e ta ndërprisni atë sapo diçka më interesante apo tërheqëse shfaqet.

Mund t’ju duket e çuditshme por nëse dëshironi të keni ditë të suksesshme pune do t’ju duhet të planifikoni oraret tuaja.

2. Strukturoni ditën tuaj nëse dëshironi të keni sukses

Maksimizoni efektivitetin e kohës suaj në shtëpi duke e strukturuar atë ndryshe nga një ditë e zakonshme pune. Shkëputuni nga të gjitha ato që ju tërheqin vëmendjen gjatë kohës që keni planifikuar për të punuar.

Nuk është e thënë që të punoni çdo ditë të njëjtën sasi orësh apo të nisni punën çdo ditë në të njëjtin orar, por e rëndësishme është që për aq kohë sa vendosni një orar pune duhet ta respektoni atë.

3. Vendosni kufij me të tjerët

Nëse dëshironi të arrini sukses në punën tuaj, atëherë duhet t’i keni shumë të qartë kufijtë ku ndahet puna nga jeta personale.

Përpiquni t’i shpjegoni miqve tuaj, të afërmve e familjarëve se oraret tuaja të punës janë vetëm për aktivitete të cilat lidhen me punën.

Psh nëse jeni në shtëpi me personin tuaj të zemrës duhet t’i shpjegoni se gjatë kohës që ju keni zgjedhur të punoni nuk dëshironi të bëni biseda. Nëse kanë diçka për të biseduar, orari i drekës është momenti i duhur.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.