Si të ruani qetësinë nën presionin e lartë të punës?

Shumë prej jush e kanë përjetuar të paktën një herë atë çrregullim që ndodh kur kuptoni se keni bërë një gabim serioz.

Detajet ndoshta nuk janë të njëjtat për të gjithë por në një moment të gjithë e keni ndjerë një valë rritëse të tmerrit dhe panikut.

Gabimet dhe presioni janë të pashmangshme, por sekreti për ti kaluar ato është të qëndroni të qetë.

Hulumtimet e reja nga Shkolla e Biznesit të Harvardit tregojnë se shumica prej nesh përpiqen të qëndrojnë të qetë në mënyrën e gabuar.

Njerëzit të cilët e mirëpresin sfidën e një krize performojnë shumë më mirë se ata që përpiqen të detyrojnë veten të jenë të qetë.

“Njerëzit kanë një intuitë shumë të fortë se përpjekja për të qetësuar është mënyra më e mirë për të përballuar ankthin e tyre, por kjo mund të jetë shumë e vështirë dhe jo efektive” , tha autori i studimit Allison Wood Brooks.

“Kur njerëzit ndihen të shqetësuar dhe përpiqen të qetësohen ata po mendojnë për të gjitha gjërat që mund të shkonin keq, kur ata janë të ngazëllyer mendojnë për të gjitha gjërat që mund të shkonin mirë”.

Duke qëndruar gjakftohtë dhe të fokusuar nën presion ka të bëjë me mentalitetin tuaj. Njerëzit që menaxhojnë me sukses krizat janë në gjendje të kanalizojnë emocionet e tyre në prodhimin e sjelljes që ata duan.

Me fjalë të tjera ata e kthejnë ankthin e tyre në energji dhe pozitivitet. Por kjo nuk mund të ndodhë nëse ju nuk angazhoni logjikën tuaj.

Bërja e një gabimi të madh mund të jetë e turpshme, ju mund të merrni të bërtitura nga shefi juaj apo mund ta bëni përsëri një gabim tjetër.

Por me shumë mundësi kjo nuk do të rezultojë në heqjen tuaj nga puna, në humbjen e shtëpisë suaj apo në ndonjë nga mendimet e tjera katastrofike që mund të keni, të cilat ushqejnë vazhdimisht ankthin tuaj e ju mbajnë larg përqendrimit.

Nëse përpiqeni të vendosni gjërat në perspektivë, bëjini vetes dy pyetje të thjeshta: Cila është gjëja më e keqe që mund të ndodhë si rezultat I kësaj? A do të ketë impakt kjo gjë edhe pas pesë vitesh?

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.