Si t’i përpiloni dhe t’i mbani objektivat për vitin e ri 2022?! – Ndiqni skemën ‘SMART’
Shumë objektiva që i vendosni vetes dështojnë sepse nuk janë të duhurat dhe një nga tre arsyet kryesore janë:
- Objektivi i krijuar bazohet në atë që dikush tjetër ose shoqëria po ju thotë të ndryshoni;
- Është shumë e paqartë.
- Ose ju nuk keni një plan realist për të arritur qëllimin tuaj.
Qëllimet tuaja duhet të jenë të zgjuara – dhe SMART. Ky është një akronim i krijuar në revistën Management Review në 1981 për specifikë, të matshëm, të arritshëm, të rëndësishëm dhe të kufizuar në kohë. Mund të funksionojë për menaxhimin, por gjithashtu mund të funksionojë në vendosjen e objektivave tuaja.
- Specifik qëndron për faktin se objektivi juaj duhet të jetë absolutisht i qartë, i saktë dhe specifik që të mund të realizohet thjesht.
- Matshëm do të thotë që objektivi si për shembull në rastin kur doni të humbisni peshë duhet të jetë i krahasueshëm me një periudhë kohore të mëparshme. Regjistrimi i progresit në një ditar ose mbajtja e shënimeve në telefonin tuaj ose në një aplikacion të krijuar për t’ju ndihmuar të gjurmoni sjelljet mund të përforcojë përparimin, pavarësisht se cila mund të jetë rezolucioni juaj.
- Arritshëm nënkupton që qëllimi juaj të mos jetë surreal ose utopik. Kjo nuk do të thotë që nuk mund të keni synime të mëdha por përpjekja për të bërë një hap shumë të madh shumë shpejt mund t’ju lërë të zhgënjyer, ose të ndikojë në fusha të tjera të jetës tuaj deri në atë pikë sa që rezolucioni juaj të pushtojë jetën tuaj. Kështu, për shembull, vendosja për të kursyer para të mjaftueshme për të dalë në pension në pesë vjet kur jeni 30 vjeç ndoshta nuk është realiste, por kursimi i 100 dollarëve shtesë në muaj mund të jetë.
- Relevant apo jo, ka rëndësi për ju pasi nëse objektivi nuk është i rëndësishëm ose nuk është krijuar mbi arsyet e duhura mund të mos ju mbaj të motivuar deri në realizimin e tij. Por nëse ndërtoni një proces ku po mendoni më shumë për atë që është e mirë për ju, po ndryshoni strukturën e jetës suaj, po sillni njerëz në jetën tuaj që do ta përforcojnë atë zgjidhje, atëherë keni një shans për të luftuar dhe fituar.
- Limituar në kohë (TimeBound) ashtu si “e arritshme”, afati kohor drejt arritjes së qëllimit tuaj duhet të jetë gjithashtu realist. Kjo do të thotë t’i jepni vetes kohë të mjaftueshme për ta bërë atë me shumë qëllime të ndërmjetme më të vogla të vendosura gjatë rrugës. Fokusohuni në këto fitore të vogla në mënyrë që të mund të bëni përparim gradual dhe nëse po ndërtoni një zakon, po planifikoni për dekadën e ardhshme, jo për dy muajt e ardhshëm.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.