Si u ndanë 20 mln euro në bujqësi? – Krifca: Përfituan mbi 4 mijë fermerë
Pjesa më e madhe e fondeve të vëna në dispozicion për subvencione në bujqësi gjatë vitit 2018 janë shpërndarë tek fermerët. Bëhet fjalë për fondin prej 20 milion euro i dedikuar për 54 masa mbështetëse në sektorin bujqësor. Në një intervistë për SCAN, Drejtoresha e Agjencisë së Zhvillimit Bujqësor dhe Rural, shpjegon se si janë shpërndarë fondet.
Ndërsa një pjesë e tyre ka mbetur pa shpërndarë, por referuar aktit normativ që nxori qeveria në fund të vitit që lam pas, niveli i realizimit është shumë i lartë. Krifca thekson se nevojitet një informacion më i lartë tek fermerët që të njohin mirë procedurat e përfitimit.
Aktualisht AZHBR po menaxhon edhe fondin prej 50.3 milion eurosh të thirrjes së parë të projektit IPARD II dhe pas mbylljes së aplikimeve më datën 30 Janar, ka nisur procesi i përpunimit të dosjeve të aplikantëve.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.