Siguria e furnizimit me energji – Jahaj: Investimet që do kryhen në Tiranë. Balluku: 1500 punonjës, për problemet nga moti

Operatori i Sistemit të Shpërndarjes parashikon kryerjen e një sërë investimesh në Tiranë, me qëllim garantimin e sigurisë së furnizimit me energji Elektrike. Drejtori i këtij dikasteri për Tiranën, Klevis Jahja bëri me dije se kryesisht investimet do të fokusohen në zëvendësimin e rrjetit 6 KV, me rrjet 20 kv.

Deklaratat e Jahjas u bënë gjatë inspektimit të punës për zëvendësimin e rrjetit shpërndarjes së energjisë në Kombinat, ku e pranishme ishte edhe ministrja e Infrastrukturës dhe Energjisë, Belinda Balluku, e cila u ndal në përballimin e situatës së furnizimit me energji, të krijuar nga moti i keq.

Balluku kërkoi dhe një vëmendje të shtuar nga ana e Operatorit të Sistemit të Shpërndarjes  për lagjen e re në Kombinat, që po ngrihet si pjesë e projekteve të rindërtimit, pas tërmetit të 26 nëntorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.