Siguria e konsumatorit në kohë pandemie – AKU vendos masa administrative 29 subjekteve në të gjithë vendin

Trupat inspektuese të AKU-së kanë realizuar rreth 400 inspektime dhe monitorime, si pjesë e Taks-Forcës Anti-Covid në të gjithë vendin gjatë 24 orëve të fundit.

AKU bën me dije se gjatë inspektimeve janë dhënë 29 masa administrative me paralajmërim ndaj bizneseve ushqimore, përgjithësisht për rinovim të librezave shëndetësore, analizës së ujit dhe mungesë së Planit 3D.

Ndërkaq sipas njoftimit referuar Planit të marrjes së Mostrave, janë marrë 61 mostra në monitorim të qumështit dhe nënprodukteve të tij, si dhe në perime për mbetje të pesticideve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.