Siguria në digat e Fierzës – Kredia 12 mln euro disbursohet në nëntor, ndërhyrje në portat e shkarkimit

Përmes kësaj huaje do të bëhet i mundur rehabilitimi i agregatit nr.4 dhe 1 në HEC Koman si dhe rehabilitimin e portave të shkarkimit dhe remonteve në këtë hidrocentral dhe në atë të Fierzës. Ndërhyrja në këtë pjesë është tejet e rëndësishme, duke qenë se përfaqësuesit e KESH gjatë diskutimit të marrëveshjes së kredisë në komisionet paraletrare kanë deklaruar se në portat e shkarkimit të hidrocentralit të Komanit ka një mungesë 40-vjeçare investimesh, çka vë në rrezik 250 mijë banorë të zonës.

Përfaqësues të KESH thanë për TV SCAN se rehabilitimi dhe vënia në eficencë të plotë i portave ku do të ndërhyhet do të thotë një masë më shumë për parandalimin e një situate të vështirë në rast të prurjeve të mëdha nga pjesa e rrjedhës së sipërme të lumit Drin dhe një garanci më shumë për sigurinë e digës se Komanit dhe atë Fierzës.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.