Siguria në kohë pandemie – Rreth 800 inspektime dhe 14 masa administrative në të gjithë vendin

Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 790 inspektime dhe monitorime në të gjithë vendin edhe si pjesë e Task-Forcës Anti-Covid.

Sipas njoftimit Task-Forca Anti-Covid po vazhdon pandërprerë monitorimet nëpër të gjitha nivelet e sistemit arsimor dhe  biznese për zbatimin e protokolleve të sigurisë, si e vetmja mënyrë për të shmangur përhapjen e virusit.

AKU bën me dije se gjatë inspektimeve në garantim të sigurisë ushqimore, janë dhënë 14 masa me paralajmërim nëpër biznese ushqimore, për mungesë të Planit 3D, mungesë të librezave shëndetësore, mos sistemim të ambienteve të prodhimit etj. ndërsa referuar Planit të Marrjes së Mostrave janë marrë 63 mostra në monitorim të qumështit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.