Siguria publike – Mbi 60 milionë lekë vetëm për blerje nga MB

Mbi 60 milionë lekë do të shpenzojë Ministria e Brendshme gjatë këtij viti për blerjet  në funksion të rritjes së sigurisë publike.

Rreth 80% e këtij fondi do të shkojë për pajisjet e përgjimit ku përfshihen ato për policinë  shkencore dhe kriminale, shtimi i serverave  si edhe mjete lundruese për drejtorinë kufitare bregdetare.

Në këtë kuadër Ministria e Brendshme ka rritur vëmendjen ndaj policisë duke rritur buxhetin,  ku vetëm për gardën  fondi është dyfishuar. Buxheti i akorduar nga qeveria për këtë institucion, për vitin 2018,  kap vlerën prej 21.1 miliardë lekësh , buxhet i cili  shënon një rritje prej 8.4%  krahasuar një vit më parë .

Lidhur me buxhetin, ministri Fatmir Xhafaj ka deklaruar më herët se përveç këtij  ka edhe fonde shtesë  nga Shtetet e Bashkuara të Amerikës  dhe  Bashkimi Evropian  të cilat do të investohen në teknologji dhe në asistencë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.