Sigurimi i cilësisë në arsim. 25% e studentëve i përgjigjen sondazhit të ASCAL

Për herë të parë studentët e 41 universiteteve në vend, shtetërore dhe private janë  bërë pjesë e një sondazhi i cili  synon  sigurimin e cilësisë.

Drejtori i  Agjencisë së Sigurimit të Cilësisë në Arsimin e Lartë Elvin Gjevori  në një intervistë për televizionin SCAN  shprehet se synim mbetet ndikimi në përmirësimin e politikave për arsimin  duke  nxjerrë në pah problematikat që hasin studentët  në auditore. Sipas Gjevorit, ky sondazh vjen  edhe në kuadër të paktit për universitetin.

Ndërkohë që  në fund të këtij muaji pritet të dalin dhe rezultatet e sondazhit kombëtar të studentëve, të zhvilluar on line me një pjesëmarrje prej 25%, për të adresuar më pas në ministrinë përgjegjëse problematikat lidhur me cilësinë e mësimdhënies, mënyrën e vlerësimit etj, me synim  ndërhyrjen në përmirësimin e politikave për arsimin e lartë  në vend.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.