Sigurimi i përgjegjësive – Shoqata e Siguruesve propozon skemë të detyrueshme

Shoqata e Siguruesve do të propozojë ndryshime ligjore për përgjegjësitë ndaj palëve të treta edhe jashtë sektorit të transporteve.

Kjo do të parashikojë sigurimin e detyrueshëm të përgjegjësive për një sërë profesionistësh.

Nëse mjeku, avokati apo projektuesi shkakton një dëm tek persona të tretë, ky dëm do të paguhet nga kompanitë e sigurimeve.

Ngritja e një skeme të tillë do t’i ndërgjegjësojë njerëzit lidhur me të drejtën për të kërkuar dëmshpërblim dhe për ta përfituar atë.

Nga ana tjetër, kjo pritet të rrisë tregun e sigurimeve në Shqipëri, që ngelet kryesisht i varur nga produktet e sigurimit të detyrueshëm.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.