Simptoma më pak të ashpra nga Omicron – Ministrja e vaksinës në Britani flet për shtrimet në spitale dhe rritjen e rasteve
Njerëzit që po shtrohen në spital me Covid-19 në Mbretërinë e Bashkuar, po tregojnë simptoma më pak të ashpra se më parë, sipas ministres së vaksinës në vend, Maggie Throup, që shtoi se nuk ka nevojë për kufizime të tjera në këtë fazë. Kryeministri Boris Johnson, i rezistoi rivendosjes së masave më të ashpra të karantinës në Angli përpara Vitit të Ri, pavarësisht se Omicron nxiti një rritje të rasteve ne nivele rekord. Ndërkohë që shtrimet në spitale po rriten, ato nuk kanë ndjekur trajektoren e rasteve ditore të konfirmuara, me shumë mundësi duke reflektuar ndikimin e vaksinave dhe dozave nxitëse, që ulin ashpërsinë e Omicron dhe hendekun kohor tek njerëzit që shkojnë në spital.
“Për momentin, nëse shihni njerëzit e shtruar në spital, ata po shkojnë me simptoma më pak të ashpra se më parë”- tha ministrja e Vaksinës dhe shëndetit publik, Maggie Throup, duke shtuar se plani B i prezantuar në Dhjetor nga Johnson, po funksionon. “Shifrat në shtratet e spitaleve janë thuajse sa gjysma e një viti më parë, dhe kjo tregon fuqinë e vaksinës”-tha ministrja. Neil Ferguson, një epidemiolog tek Kolegji Mbretëror i Londrës, tha se ndërsa infeksionet në Londër tek nën 50 vjeçarët mund të kenë arritur në një ndalesë tashmë, rritja e jashtëzakonshme tek ajo grupmoshë, mund të mos ketëp atur kohë të përhapet tek grupet më të moshuara, që janë dhe më të cënuar nga Covid-19.
“Mund të shohim një strukturë të ndryshme tek shtrimet në spitale. Këto po rriten në mënyrë të përgjithshme në të gjithë vendin dhe mund të shohim nivele edhe më të larta në javëte ardhshme”- tha ai. Ferguson shton se vaksinimi po ofron mbrojtjte ndaj sëmundjes së ashpër, mbështetur nga fakti që Omicron është pa dyshim më pak i ashpër, pavarësisht se ushtron presione tek sistemi shëndetësor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.