Sindikatat e energjisë i bëjnë thirrje Biden. Kërkojnë tavan për çmimin e gazit, pas rritjes së çmendur nga moti i ftohtë
Sindikatat që përfaqësojnë kompanitë e gazit natyror dhe energjisë publike në SHBA, i bëmë thirrje presidenti joe Biden që të deklarojë një emergjencë të gazit për motin ekstrem të javës së kaluar dhe të autorizojë sekretarin e energjisë që të vendosë tavan për çmimin. Në një letër drejtuar presidentit, Shoqata e Energjisë Publike dhe Shoqata Amerikane e Gazit Publik, bënë të ditur se moti i ftohtë në Teskas ka rritur kërkesën për energji , në të njëjtën kohë kur gjenerimi i energjisë ka qënë i ndaluar për shkak të ngrirjes së tubacioneve. Kjo ka detyruar kompanitë që të paguajnë miliarda dollarë për të blerë gaz dhe energji për klientët e tyre. Përveç ngrohjes së shtëpive dhe bizneseve, gazi ofron gjithashtu energji për pjesën më të madhe të gjenerimit në Teksas dhe shtete të tjera të ndikuar nga moti. “Ndërkohë që presim ndihmë nga administrata për këtë barrë financiare, ne po vazhdojmë të punojmë me anëtarët tanë në nivel shtetëror dhe lokal, për të gjetur zgjidhje ndaj çmimeve të larta që konsumatorët mund të detyrohen të paguajnë në muajt e ardhshëm”- deklaroi sindikata. Çmimi i gazit, që zakonisht tregtohet në rreth 3 dollarë për milionë njësi termike (mmBtu), u fry në 300 dollarë për njësi, në disa zona. Çmimi i energjisë, që zakonisht tregtohet në 25 dollarë për megawatt orë në Teksas, arriti në mbi 10,000 në atë periudhë. Një termocentral publik ka shpenzuar 78 milionë dollarë për 4 ditë të ofertës së gazit, ndërkohë që karburanti për të gjithë vitin 2020 ka kushtuar 18 milionë dollarë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.