Singapori nuk numëron më CoronaVac / Të vaksinuarit me dozat e Sinovac nuk janë pjesë e shifrës totale
Singapori nuk po numëron më personat që kanë marrë vaksinën kineze të Sinovac tek lista kombëtare e imunizimit, sipas ministrisë së Shëndetësisë. “Numri kombëtar i vaksinimit reflekton vetëm ata që janë vaksinuar nën programin kombëtar të vaksinimit” – deklaroi ministria e Shëndetësisë. Deri më tani, programi i vendit ka përfshirë vaksina të Moderna dhe Pfizer me BioNTech. Coronavac e Kinës, nuk është pjesë e programit kombëtar të Singaporit dhe qytet-shteti ka bërë të ditur se vazhdon të presë të dhëna kritike nga kompania. Megjithatë, vendi ka lejuar përdorimin e vaksinës nga institucione private të shëndetit, nën itinerar të veçantë të aksesit, pas një miratimi emergjent nga Organizata Botërore e Shëndetësisë. Klinika private individuale mund të bëjnë tërheqje nga stoku i vendit prej 200,000 doza të CoronaVac. Rreth 3.7 milionë njerëz janë vaksinuar me të paktën 1 dozë të Pfizer apo Moderna, duke mbuluar rreth 65% të popullsisë, dhe thuajse 2.2 milionë kanë përfunduar regjimin e plotë me 2 doza. Singapori ka caktuar objektiv për 2/3 e banorëve që të marrin të 2 dozat deri më 9 gusht. Si Moderna edhe Pfizer kanë treguar norma të efektshmërisë sipër 90% kundër rasteve simptomatike në prova klinike, krahasuar me prova të Sinovac, që variojnë nga 51 – 84%.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.