Sistemi i njohjes së fytyrës në përdorim të kënaqësisë së klientëve
Imagjinoni të hyni në një dyqan ku ju kurrë nuk keni qenë kurrë më parë. Thjesht mendojeni që një shitës ju mirëpret, ju thërret në emër, dhe në sfond keni muzikën tuaj të preferuar.
Ndërkohë dëgjoni ofertat më të mira për produktet që janë në shijet tuaja, dhe kjo gjë të ndodhë pa qenë nevoja të flisni. Duket interesante?
Kjo quhet “njohja e fytyrës” dhe është kufiri i fundit i teknologjive për pazar, që i krijon botës së marketingut lehtësim dhe shitje më të shumta të produkteve.
Ideja është tepër e thjesht, njohja dhe identifikimi i klientëve bëhet nëpërmjet kamerave që janë të vendosura në dyqan dhe bëjnë të mundur njohjen e tipareve të fytyrës.
Teknologjia e njohjes së fytyrës nuk është më diçka e re, sepse për shumë vite është përdorur në aeroporte dhe në stacione për të menaxhuar sa më mirë sigurinë në vende publike.
Këto sisteme përbëhen nga kamera me rezolucion të lartë dhe softuerë të veçantë për njohjen e tipareve të fytyrës, dhe janë tepër të afta për të identifikuar fytyrat e dyshimta dhe për t’i raportuar ato tek agjentët në terren, që më pas të marrin masa kontrolluese.
Kohët e fundit këto sisteme janë miratuar nga kazinotë dhe shitësit me pakicë, të cilët i përdorin për të identifikuar hajdutët që të kapen përpara se të godasin.
Rreth 59% e dyqaneve të veshjeve në Mbretërinë e Bashkuar përdorin “njohjen e fytyrës”, ato transmetojnë këngë që klientët e tyre kanë kanë pëlqyer më parë, duke shkaktuar kështu një moment kënaqësie që klienti të bëjë një blerje të mirë.
Po ashtu kjo lloj teknologjie përdoret edhe në hotelet më luksoze në botë, të cilët përdorin njohjen e fytyrës për klientët e tyre në mënyrë që ata të marrin shërbimin e duhur duke e ditur se çfarë dhome hoteli preferojnë, cilat ushqime i bëjnë alergji apo çfarë ushqimesh ka të preferuara.
Nga vijnë këto informacione?
Mund të mendoni që kjo lloj teknologjie mund të cënojë privatësinë, por jo. Ju vetë i vendosni të dhënat e juaja, nëse ju hyni në një qendër tregtare dhe kërkoni që të lidheni me një wi-fi atëherë duhet të plotësoni të dhënat tuaja para se të futeni.
Në këtë mënyrë ju jeni tërësisht të ekspozuar nga kjo lloj teknologjie.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.