Situata e zjarreve në vend – Peleshi informon mbi vatrat e reja dhe ato të që janë nën kontroll
Ministri Mbrojtjes, Niko Peleshi njofton se pas një pune të palodhur të forcave në terren dhe nga ajri, në koordinim me Agjencinë e Mbrojtjes Civile zjarri në fshatin Dukat i Ri, nuk paraqet aktualisht rrezikshmëri në drejtim të Parkut Kombëtar të Llogarasë.
Sipas njoftimit pa rrezik për banesat janë edhe vatrat në fshatin Thirrë, në Munellë-Domgjon të Mirditës ndërsa po vijon puna për mbajtjen nën kontroll të zjarrit mbi tunelin e Kalimashit.
Peleshi bën me dije se aktualisht është izoluar në pjesën më të madhe zjarri në masivin me pisha në Krushovë të Voskopojës ndërsa u arrit të izolohej në kohë të shpejtë zjarri në malin e Tomorit dhe po monitorohen disa vatra në fshatin Corrush në Mallakastër, në fshatin Bogë në qarkun e Shkodrës.
Ministri informon gjithashtu se një vatër zjarri e re është njoftuar në vendin e quajtur Qafa e Tërkuzit në pjesën e Republikës te Malit të Zi, në afërsi të kufirit me Shqipërinë, ku në ndjekje të situatës kanë shkuar menjëherë forcat zjarrfikëse të Kukësit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.