Skenar britanik në Itali? 80 mijë shoferë “kryqëzojnë duart” kundër pasaportës së vaksinimit. Parashikohen vonesa për mallrat
Në Itali është parashikuar që të mbahet ditën e premte një grevë e shoferëve dhe punëtorëve të transportit, në të njëjtën ditë kur hyn në fuqi detyrimi për pasaportën e vaksinimit për punëtorët.
Kjo ka ngjallur shumë frikë për mundësinë e paralizimit të transportit të mallrave. Sipas Sekretarit të Përgjithshëm të ‘Transportounito’ në Itali Maurizio Longo, në punë nuk do të paraqiten rreth 80 mijë shoferë që janë të shpërndarë në 98 mijë ndërmarrje.
Kjo do të sjellë vonesë në dorëzimin e produkteve. Kompanitë kërkojnë më shumë kohë për të bërë të detyrueshme pasaportën e vaksinimit dhe ndihmë të mëtejshme për të përballuar koston e tamponëve për punëtorët. Italia e ka bërë të detyrueshëm vaksnimin për punonjësit, duke nisur nga 15 tetori.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.