Skenarët e “frikshëm” të krizës/ Ibrahimaj: Kulmin e çmimeve e presim në Qershor-Korrik!
Qeveria shqiptare ka përgatitur disa skenarë për t’iu përgjigjur krizës së rritjes së çmimeve me të cilën po përballet vendi për shkak të luftës Rusi-Ukrainë.
Gjatë seancës dëgjimore në Komisionin e Ekonomisë, ku prezantoi paketën e rezistencës sociale, Ministrja e Financave Delina Ibrahimaj bëri me dije se kulmi i rritjes së çmimeve parashikohet të jetë përgjatë periudhës Qershor-Korrik, ndërsa ka listuar pasojat që do të ketë ekonomia shqiptare gjatë këtij viti, duke përjashtuar recensionin si mundësi.
Ministrja bëri me dije se akti normative i cili vendos në dispozicion të përballimit të situatës 26 miliardë lekë, nuk do të jetë i fundit, pasi sipas kriza sapo ka filluar. Në këtë pikë deputetja demokrate Jorida Tabaku e ka konsideruar aktin të mangët dhe jo efektiv.
Në përgjigje të shqetësimit të deputetëve për shkurtimin e projekteve infrastrukturore, Ministra bëri me dije se investimet nuk do të ndalen.
Në komision kaloi edhe akti normativ për tatimin mbi të ardhurat i cili parashikon reduktimin e normës së tatimit mbi pagat për 135 mijë të punësuar.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.