Skenaret për vjeshtë-dimër, Manastirliu: Nëse mbushen spitalet COVID, atëherë përfshijmë spitalet rajonale. Rrisim kapacitetet teknologjike

Në rast se flukset e personave të prekur nga virusi COVID-19 do të shtohet në periudhën vjeshtë-dimër, përtej kapaciteteve të dedikuara në spitalet COVID atëhere strategjia parashikon përfshirjen e spitaleve rajonale.

Kjo u bë e ditur nga ministrja e Shëndetësisë Ogerta Manastirliu gjatë inspektimit në spitalin rajonal të Lezhës, të pajisur me aparatura të teknologjisësë lartë në terapinë intensive.  Manastirliu evidentoi se po punohet për rritjen e kapaciteteve për të patur mundësinë që të mos mungojë asgjë përsa i përket trajtimeve të pacienteve në spitalet rajonale, të konfirmuar me COVID19 apo të dyshuar.

“Sigurisht kjo do të jetë në një moment të dytë. Strategjia jonë parashikon që këto skenare do të jenë të dedikuar, sipas numrave të të shtruarve në spital” tha Manastirliu.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.