Sondazhi / Britanikët janë turistët më të padëshiruar në BE, shkak numri i lartë i vdekjeve nga Covid-19

Evropianët duan që turistët britanikë të qëndrojnë larg vendeve të tyre këtë verë, sipas një sondazhi të ri që zbuloi se Mbretëria e Bashkuar ishte në fund të listës së vendeve që janë të mirëseardhura në kontinent.

Njerëzit në Spanjë, Gjermani, Francë dhe Itali ishin më shumë kundër vizitave nga turistët britanikë sesa prej nga çdo vendi tjetër evropian, duke reflektuar faktin se Mbretëria e Bashkuar ka regjistruar numrin më të lartë të vdekjeve të koronavirusit në Evropë.

Sondazhi i YouGov zbuloi se 61% e njerëzve në Spanjë janë kundër vizitorëve që vijnë nga Britania e Madhe. Në Gjermani, shifra ishte 58%, ndërsa në Francë 55%. Në Itali, 44% e turistëve dëshironin që vizitorët nga Britania e Madhe të mos e vizitonin vendin këtë verë.

Vetëm turistët nga Kina dhe Shtetet e Bashkuara ishin më të padëshiruar se britanikët sipas sondazhit.

Mbi 44,000 njerëz kanë vdekur nga koronavirusi në Mbretërinë e Bashkuar, sipas shifrave të Universitetit John Hopkins, krahasuar me gati 35,000 që kanë vdekur në Itali, afro 30,000 në Francë, rreth 28,000 në Spanjë dhe rreth 9,000 në Gjermani.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.