Sondazhi i BQE për Eurozonën. Pritet tkurrje më e lehtë këtë vit dhe rimëkëmbje më e ngadaltë në tjetrin
Ekonomia e Eurozonës mund të tkurret më pak se sa pritej këtë vit, por rimëkëmbja do të jetë gjithashtu më e dobët, sipas sondazhit të projektuesve profesionistë të Bankës Qendrore Europiane. Sondazhi tremujor, i zhvilluar në nisje të Tetorit, përpara se të aplikoheshin masat e ashpra të karantinës, parashikon një tkurrje me 7.8% këtë vit, më pak se 8.3% që pritej në Korrik. Megjithatë, rritja e vitit të ardhshëm është ulur në 5.3%, nga 5.7% që pritej pamë rë.
Pavarësisht se këto sondazhe janë pjesë e rëndësishme e diskutimeve mbi politikat të bankës në Frankfurt, roli është zbehur për shkak se perspektiva ekonomike po përkeqësohet shpejtë, ndërkohë që qeveritë kanë aplikuar masa të reja të karantinës, për të përmbajtur virusin. Banka Qendrore Europiane theksoi se mund të ketë më shumë stimuj monetarë në takimin e Dhjetorit, prej shqetësimeve të një recesioni të dyfishtë. Inflacioni pritej 0.3% këtë vit sipas sondazhit, poshtë projeksioneve prej 0.4%. Në vitin e ardhshëm pritet një mesatare prej 0.9%, gjithashtu poshtë objektivi të institucionit prej pranë 2%.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.