S&P: Rusia ka dështuar në borxhin e saj të jashtëm!

Rusia ka dështuar në borxhin e saj të jashtëm sepse u ka ofruar zotëruesve të obligacioneve pagesa në rubla, jo në dollarë, ka thënë agjencia e vlerësimit të kredisë S&P. Rusia u përpoq të paguante në rubla për dy obligacione në dollarë që maturuan më 4 prill, tha S&P në një shënim të premten. Agjencia tha se kjo arriti në një “default selektiv” sepse investitorët nuk kanë gjasa të jenë në gjendje të konvertojnë rubla në “dollarë ekuivalent me shumat e duhura fillestare”.

Moska ka një periudhë mospagimi prej 30 ditësh nga 4 prilli për të bërë pagesat e kapitalit dhe interesit, por S&P tha se nuk pret që t’i konvertojë ato në dollarë duke pasur parasysh sanksionet perëndimore që minojnë “vullnetin dhe aftësitë e saj teknike për të respektuar termat dhe kushtet të detyrimeve të saj.

Rusia nuk mund të aksesojë tek afërsisht 315 miliardë dollarë të rezervave të saj valutore si rezultat i sanksioneve perëndimore të vendosura pas pushtimit të Ukrainës. Deri javën e kaluar, Shtetet e Bashkuara lejuan Rusinë të përdorte disa nga asetet e saj të ngrira për të paguar disa investitorë në dollarë.

Por Thesari i SHBA-së që atëherë e ka bllokuar vendin nga aksesi i rezervave të tij në bankat amerikane. Zëdhënësi i Kremlinit Dmitry Peskov tha në një konferencë shtypi javën e kaluar se çdo mospagim do të ishte “artificial” sepse Rusia ka dollarë për të paguar – thjesht nuk mund t’i qaset. “Nuk ka arsye për një falimentim të vërtetë,” tha Peskov. “Absolutisht jo” CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.