SPAK, Kushtetuesja, Reforma Zgjedhore – Balla: Kushtet e vendosura nga Bundestag, detyra shtëpie për çeljen e negociatave
Komisioni Parlamentar për Inegrimin ka nisur të martën shqyrtimin e Projekt-rezolutës “Për mbështetjen e fillimit të bisedimeve për anëtarësimin e Republikës së Shqipërisë në Bashkimin Europian”, ku do të përfshihen disa ndryshime të propozuara nga opozita parlamentare.
Kreu i Grupit Parlamentar të Partisë Socialiste, Taulant Balla nënvizoi detyrat që i lindin Shqipërisë veçanërisht pas kushteve të vendosura te Bundestag-u gjerman. Gjatë fjalës në Komision ai tha se fjala kyç e po-së nga Gjermania ishte reforma në drejtësi ndërkohë që nënvizoi se vendi duhet të nxitojë në ngritjen e SPAK, Gjykatës Kushtetuese, ashtu si dhe të reformës zgjedhore.
E pranishme në Komision për ratifikimin e marrëveshjes me Qeverinë Gjermane për mbështetjen e integrimit, Zëvendësministrja e Financave Belinda Ikonomi tha se tashmë projekti ka kaluar në një fazë të re: atë të rritjes së kapaciteteve të administratës publike për zhvillimin e negociatave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.