SPAK, mungojnë kandidimet – KLP: Përfshihuni në garë, janë lehtësuar procedurat e aplikimit
Ndërsa deri tani janë paraqitur vetëm dy kandidatura, Këshilli i Lartë i Prokurorisë ka vijuar me ftesën ndaj magjistratëve për t’u përfshirë në garën për SPAK. Këshilli i Lartë i Prokurorisë u mblodh të hënën, duke bërë me dije se janë lehtësuar procedurat e aplikimit për prokurorët që duan të bëhen pjesë e Prokurorisë së Posaçme Antikorrupsion. Aktualisht, kandidaturat e vetme për 15 postet e lira të SPAK janë ato të Klodian Brahos dhe Besnik Muçit.
Ndërkohë që në qendër të vëmendjes së mbledhjes qe vendimi i Kryeprokurores Arta Marku për transferimin në rrethe të prokurorëve të Krimeve të Rënda Besim Hajdarmataj dhe Olsian Çela pas përplasjes për çështjen Shullazi.
Këshilli i Lartë i Prokurorisë vendosi me shumicë votash vendosi rikthimin e tyre te Krimet e rënda, pavarësisht se çështja është ende në apel.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.