Spanja dëshiron turistë më të pasur – Tendencat  kryesore të udhëtimit në 2022!

FITUR, panairi kryesor i udhëtimit i Spanjës filloi këtë javë, duke u rikthyer në kapacitet të plotë pasi u zhvendos pjesërisht në internet në 2021 për shkak të pandemisë. Një nga ngjarjet më të mëdha të tregtisë së udhëtimeve në Europë, konferenca e këtij viti sheh gati 7,000 kompani që përfaqësojnë 107 vende të ndara në 10 sallat e konferencave të IFEMA.

Panairi i Madridit që do të zgjasë për pesë ditë nga 19 – 23 janar, tërheq një audiencë globale dhe është ngjarja kryesore tregtare për vendet e Amerikës Latine. Ky vit ka qenë veçanërisht sfidues, me qeverinë spanjolle që vendosi protokolle strikte COVID-19 në dhjetor 2021, duke përfshirë maskat e fytyrës të detyrueshme jashtë.

Panairi po mbështet rishfaqjen e sektorit të turizmit pas pandemisë globale dhe shumë vende janë të prirura të dëshmojnë se janë të sigurta për turistët ndërkombëtarë. Trende të tjera kryesore të udhëtimit po shfaqen gjithashtu, industria po bën tranzicionin e saj dixhital dhe kjo është ajo që mund të shohim në konferencat dhe debatet e ndryshme kushtuar përmbajtjes në panair.

Një tjetër tendencë domethënëse që shfaqet në të gjithë sektorin, por veçanërisht në vendet që mund të kenë vuajtur nga mbi-turizmi para pandemisë, është dëshira për më shumë turistë ‘cilësorë’, dhe analistët shprehen se në përgjithësi sektori spanjoll po punon drejt rritjes së cilësisë së turistëve, në kuptimin e kapacitetit të tyre për shpenzim.

Kjo ndjenjë pati jehonë në dhjetor nga Tajlanda, një vend, ekosistemi i të cilit ka vuajtur keq në të kaluarën për shkak të turizmit masiv të pakontrolluar. Veçanërisht në destinacione të njohura si Maya Bay, i paraqitur në filmin The Beach. Se si vendet e njohura do të jenë në gjendje të zvogëlojnë numrin e udhëtarëve mbetet për t’u parë, por është qartësisht diçka që shumë dëshirojnë të bëjnë ndërsa shkojmë drejt një bote post-pandemike.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.