Spanja kthen sallën e konferencave në spital me 5500 shtretër

Autoritetet Spanjolle thanë se do ta shndërrojnë një qendër konferencash në Madrid në një spital gjigand ushtarak për pacientët me koronavirus. Vendimi vjen pasi numri i të infektuarve në vend po rritet ndjeshëm.

Rreth 5,500 shtretër spitalorë, përfshirë njësi të kujdesit intensiv, do të vendosen brenda sallës prej 240,000 metrash e cila ndodhet në periferi të Madridit për të përballuar kërkesën në rritje që pritet në ditët e ardhshme.

“Ditët më të vështira po vijnë tani,” tha shefi i urgjencave shëndetësore Fernando Simon në një konferencë për shtyp.

Ministri i Shëndetësisë Salvador Illa tha se spitalet spanjolle po zhvillonin disa prova klinike për të trajtuar raste të rënda dhe të buta të koronavirusit, ndërsa ministria e shkencës tha që studiuesit po punonin në vaksina të mundshme dhe teste të zbulimit.

Ministri i Brendshëm Fernando Grande-Marlaska tha se policia do të fillojë të kontrollojë këtë fundjavë se askush nuk po i shkel kufizimet e vendosura. Ai tha se më shumë se 30,000 njerëz ishin gjobitur dhe 300 të arrestuar që kur u njoftuan.

“Masat e izolimit të marra në Spanjë janë më drastike të marra në Europë, dhe një nga më drastiket në të gjithë botën,” tha ai në një konferencë shtypi. (Reuters)

N.Xh / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.