Spanja lehtëson masat e karantinës – Numri ditor i vdekjeve ulet në 517 nga 619 një ditë më parë
Popullsisë në Spanjë po i dorëzohen maska në qendrat e transportit, pasi qeveria u dha fund disa masave të ashpra bllokimi dhe disa biznese, duke përfshirë sektorët e ndërtimit dhe të prodhimit, u rihapën.
Me vendin që hyri në muajin e dytë të mbylljes, firmat të paafta për të operuar nga distanca u lejuan të rifillojnë punën, duke shkaktuar kritika nga disa drejtues rajonalë që kanë frikë nga ringjallja e shpërthimit të koronavirusit.
Shumica e popullsisë janë akoma të mbërthyer në shtëpitë e tyre. Dyqanet, baret dhe hapësirat publike do të qëndrojnë të mbyllura deri në të paktën 26 Prill. Kryeministri, Pedro Sánchez, tha të dielën se vendi mbeti në karantinë pavarësisht lehtësimit të kufizimeve për punëtorët jo thelbësorë.
Relaksimi i pjesshëm erdhi ndërsa numri i vdekjeve brenda natës në Spanjë nga koronavirusi ra në 517 të hënën nga 619 të dielën, duke sjellë numrin e përgjithshëm të vdekjeve në 17,489, tha ministrja e shëndetësisë. Ishte rritja më e vogël proporcionale ditore që nga fillimi i gjurmimit. Rastet e përgjithshme u rritën në 169.496 nga 166.019.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.