Specialistët/ Koronavirusi mund të jetë pasojë e ‘supës së lakuriqit të natës’! (VIDEO)
Koronavirusi vdekjeprurës, i cili ka vrarë tashmë rreth 21 njerëz, dyshohet nga specialistët se mund të jetë përhapur nga supa e ‘lakuriqit të natës’, e cila është një veçanti popullore në qytetin kinez Wuhan.
Ekspertët besojnë se lakuriqët mund të luajnë rol mikpritës ndaj virusit pasi studiuesit kanë “nënvlerësuar” gjendjen, e cila është e ngjashme me pneumonia dhe SARS, sipas një punimi të botuar në Buletinin e Shkencave Kineze.
Wuhan, duke qenë qyteti burimor i virusit, është izoluar tërësisht duke qenë se virusi vazhdon të përhapet. Qeveria po u kërkon qytetarëve që të mos largohen nga qyteti në mungesë të rrethanave të veçanta.
Tani ka sugjerime që supa tradicionale e lakuriqit mund të jetë shkaktarja kryesore e përhapjes së epidemisë.
Ndërkohë në nëpër mediat sociale janë publikuar video dhe foto të shumta të banorëve lokalë teksa hanë këtë supë të veçantë, e cila nuk është aspak normale për sytë e shikuesve në të gjithë botën. Video e momentin që po ‘kthen’ stomakët e gjithë globit është një vajzë nga Whuan e cila po konsumon një pjatë supe me një lakuriq nate në mes si dhe insekte të tjera që lundrojnë përqark pjatës. Për videon mund të klikoni këtu!
Megjithatë lakuriqët përdoren në mjekësinë tradicionale kineze për të trajtuar një seri sëmundjesh, duke përfshirë kollën, malarien dhe gonorrenë. Gjithashtu ai besohet se është në gjendje të kurojë sëmundjet e syrit, sipas mjekësisë së lashtë kineze Ben Cao Gang Mu.
“Mikpritësi natyror i koronavirusit të Wuhan” mund të jetë lakuriqi natës, por midis lakuriqëve dhe njerëzve mund të ketë një ndërmjetës të panjohur,” tha një deklaratë nga shkencëtarët e botuar në South China Morning Post.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.