Spitali i Gjirokastrës brenda tre muajsh do të pajiset me aparatura të reja
Brenda tre mujorit të parë të viti spitali i Gjirokastrës do të pajiset me aparatura të reja, si aparatura biomjekësore, mamografi e re, eko abdominale, defribilatorë, inkubatorë etj. Këtë deklaroi ministrja e Shëndetësisë Ogerta Manastirliu gjatë vizitës në këtë spital, ku po aplikohet edhe programi i patronazhit.
Nëpërmjet këtij programi, ku një ekip mjekësh nga spitalet universitare të Tiranës, po japin shërbime shëndetësore të specializuara, po plotësohen nevojat e pacientëve të këtij qarku, që deri dje, i drejtoheshin Tiranës për këto shërbime.
“Sistemi i patronazhimit po mundëson dhënien e shërbimit të specializuar afër vendbanimeve të qytetarëve, me cilësi të lartë, por çka është po kaq e rëndësishme për vazhdimësinë dhe për të ardhmen është edhe rritja e kapaciteteve të burimeve njerëzore”, u shpreh Ministrja.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.