“Spotify” nxjerr aksionet në publik pas humbjes prej 1.5 miliardë dollarë vitin e kaluar
“Spotify” është lider në shpërndarjen e shërbimeve muzikore në nivel global, me kompaninë që raporton 71 milionë abonentë dhe më shumë se 159 milionë dëgjues aktivë mujorë deri në dhjetorin e 2017. Shërbimi është i disponueshëm në 61 vende të botës. Konkurrenti më i afërt i saj, “Apple Music”, mbetet pas me vetëm 36 milionë abonentë.
Kompania raportoi të ardhura prej 2.37 miliardë dollarë në vitin 2015, 3.6 miliardë dollarë në 2016 dhe 4.99 miliardë dollarë në 2017. Gjithashtu shtojnë se abonentët me pagesë po rriten me një normë prej 46 për qind nga viti në vit, ndërsa dëgjuesit aktivë mujorë po rriten me 29 për qind krahasuar me vitin e kaluar.
Ata shënuan një humbje prej 1.5 miliard dollarë në 2017, prej të cilave 1 miliardë dollarë ishin për shkak të një borxhi nga një transaksion me kompaninë “Tencent”. Humbja operative rezultoi 461.3 milionë dollarë vitin e kaluar dhe 425.9 milionë dollarë në vitin 2016.
“Spotify” përballet me sfida të rëndësishme në modelin e saj të biznesit, duke përfshirë rrezikun nga normat e luhatshme dhe të paparashikueshme të rrogave që i kushton etiketave dhe kompozitorëve të muzikës.
“Ne ri-imagjinuam industrinë e muzikës dhe menduam të sigurojmë një mënyrë më të mirë për artistët dhe konsumatorët që të përfitojnë nga transformimi digjital i industrisë së muzikës”, u shpreh kompania.”Spotify” u themelua nga besimi se muzika është universale dhe se transmetimi është një model i qasjes më të fuqishme dhe të pandërprerë që përfiton si artisti, ashtu edhe e admiruesit e muzikës”.
Në janar, “Spotify” paraqiti dokumentet për t’u regjistruar në bursën e New York-ut dhe “Financial Times” raportoi se kompania kishte punësuar “Morgan Stanley”, “Goldman Sachs” dhe “Allen & Co” për ta këshilluar. Vlerësimi i fundit i “Spotify” ishte 8.4 miliardë dollarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.