Stafi shëndetësor grek, në protesta – Bëjnë thirrje për më shumë punësim dhe paga për punën e rrezikshme

Punonjësit e shëndetit publik në Greqi kanë protestuar në Athinë gjatë Javës, ndërkohë që spitalet janë mbingarkuar nga një valë e re e rasteve me Covid-19 dhe autoritetet po konsiderojnë kufizime të mëtejshme.  Punonjësit thonë se janë të nënpaguar, po punojnë jashtë orarve dhe nuk kanë staf, në mes të një krize shëndetësore.  Ata bënë thirrje; për më shumë punësim, që qeveria t’i përfshijë në një list të profesioneve të rrezikshme që kërkojnë përfitime në paga, si dhe për urdhërimin e mjekëve privatë që të ndihmojnë, duke shtuar se vendimi i qeverisë për të pezulluar punonjësit e pavaksinuar të shëndetësisë, ka rritur mungesat në staf.  Greqia i bëri vaksinimet të detyrueshme për stafin e azileve në Korrik dhe infermierët e kujdesin shëndetësor në Shtator.

Spitalet, veçanërisht në veri të Greqisë, po hasin vështirësi për të trajtuar pacientët, ndërkohë që rastet ditore kanë prekur një rekord të ri të lartë këtë muaj, në një mesatare prej mbi 6,000.  “Barrelat në siptale po rriten shpejtë dhe pacientët po zgjidhen për njësitë e kujdesit intensiv sipas prioritetit, bazuar tek mosha”- tha presidenti i Federatës së Punonjëve të Shëndetit Publik, Michalis Giannakos. “Jetët e pacientëve janë nën rrezik dhe stafi që ka ngelur, po tërhiqet zvarrë nga një klinikë në tjetrën”- shtoi ai.  Javën e kaluar, autoritetet lajmëruan masa të reja, që i kërkojnë të pavaksinuarve që të ofrojnë teste negative për të hyrë në kafene, restorante, shërbime shtetërore dhe banka. Punonjësit në sektorin publik dhe privat duhet tashmë të testohen gjithashtu 2 herë në javë, për të shkuar në punë.

Qeveria po përpiqet të shmangë një karantinë tjetër, por me vetëm 60% të popullsisë prej 11 milionë banorë të vaksinuar, autoritetet po konsiderojnë masa shtesë, përfshirë vaksinim të detyruar.   Zëdhënësi i qeverisë në Greqi, Giannis, Oikonomou, tha këtë javë se sistemi shëndetësor është në presion të madh, duke shtuar se vetëm 1 në 10 që trajtohen në njësi të kujdesit intensiv është i vaksinuar plotësisht.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.