Standardi i gjuhës shqipe, AMA: Media duhet të zbatojë ligjin në transmetimet audiovizive

“Respektimi i standardit të shqipes në transmetimet audiovizive” ishte tema e diskutimit të realizuar nga AMA. Autoriteti i Mediave Audiovizive, është ndalur te respektimi i normave dhe kërkesave të standardit letrar të gjuhës shqipe.

Problematikat e hasura në media sa i përket përdorimit të gjuhës shqipe dhe të drejtshkrimit janë të shumta. Sipas nënkryetarit të AMA-së Sami Neza duhet që media të zbatojë parimet themelore që lidhen me gjuhën e përdorur.

Disa nga problematikat më të shpeshta që hasen në media kanë të bëjnë me përdorimin e ë-së dhe të ç-së. Edhe pse vitet e fundit përdorimi i tyre ka filluar të rritet ka ende hapësira për përmirësim.

Referuar monitorimi të kryer, Zimo Krutaj dhe Linda Mëniku kanë sjellë disa shembuj konkret kur kemi problem të drejtshkrimit dhe të përdorimit të fjalëve të huaja.

Raportet e monitorimit do ti shpërndahen të gjithë medias në vend. Nga AMA do kërkohet që të zbatohet standardi i gjuhës shqipe ashtu siç e parashikon ligji.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.